ເມັດພັນເຂົ້າຄວນເຮັດໃຫ້ແຫ້ງ ມີຄວາມຊຸ່ມໜ້ອຍກວ່າ 14% ໂດຍໄວທີ່ສຸດຫຼັງຈາກການນວດເຂົ້າ. ເມື່ອຕ້ອງໄດ້ເກັບເມັດພັນໄວ້ເປັນໄລຍະເວລາດົນ, ຄວນເຮັດໃຫ້ແຫ້ງ ຄວາມຊື່ນຢູ່ທີ່ 12% ຫຼືໜ້ອຍກວ່າ ແລະ ຄວນເກັບໄວ້ໃນພາຊະນະທີ່ປິດສະນິດດີ.

1. ການຕາກດ້ວຍແດດ

2. ການອົບແຫ້ງດ້ວຍເຄື່ອງຈັກ

3. ເກນຄວາມຊື່ນດຸນດ່ຽງ (EMC)

ເຄື່ອງຄັດແຍກແກບກັບເມັດເຂົ້າເປືອກ ຫຼື Mechanical Winnowers ທີ່ລວມມີພັດລົມ ແລະ ລໍ້ກົ່ງເຂິງຮ່ອນ (ຕາໜ່າງ) ທີ່ທັບຊ້ອນກັນຫຼາຍຊັ້ນ ຫຼື ຕາຫນ່າງພື້ນແປ ທີ່ນຳ ໃຊ້ໃນຫຼາຍປະເທດໃນປັດຈຸບັນ. ເຄື່ອງຊະນິດ ນີ້ສາມາດຂັບເຄື່ອນດ້ວຍຕົວເອງ ຫຼື ໃຊ້ເຄື່ອງຈັກ ແລະ ມີຄວາມສາມາດໃນການຄັດແຍກຕັ້ງແຕ່ 100 ກິໂລກຼາມ/ຊົ່ວໂມງ ເຖິງ 2-3 ໂຕນ/ຊົ່ວໂມງ. ໃນກໍລະນີຫາກໃຊ້ລົດກ່ຽວນວດເຂົ້າ ຈະມີທ່າອ່ຽງ ໃຊ້ລະບົບທຳຄວາມສະອາດເຂົ້າເປືອກແບບລວມສູນທີ່ມີກຳລັງສູງ. ໂດຍປົກກະຕິດຈະຕິດຕັ້ງເຂິງຮ່ອນ (ຕາຫນ່າງ) ແບບສັ່ນຫຼາຍຊຸດ ແລະ ມີຄວາມສາ ມາດໃນການຄັດແຍກໄດ້ເຖິງ 10-30 ໂຕນ/ຊົ່ວໂມງ

ຖ້າວ່າຈະເກັບຮັກສາເມັດພັນເຂົ້າໃຫ້ຢ່າງປອດໄພ ເປັນໄລຍະເວລາຫຼາຍກວ່າ 3 ເດືອນ ຈະຕອ້ງປະຕິບັດດັ່ງນີ້:

ມີຄວາມຊື່ນຂອງເມັດຕ້ອງໜ້ອຍກວ່າ 12%
ປ້ອງກັນການທໍາລາຍຈາກແມງໄມ້ ແລະ ໜູໄດ້
ປ້ອງກັນຈາກການດູດຊັບຄວາມຊື່ນຄືນ ບໍ່ວ່າຈາກນໍ້າຝົນ ຫຼື ບັນຍາກາດອ້ອມຮອບບໍລິເວນນັ້ນ ໆ

ການເກັບຮັກສາດ້ວຍການຮີດປາກຖົງໃຫ້ແຈບ ຫຼື ດ້ວຍການດູດສູນຍາກາດເປັນອີກທາງເລືອກທີ່ດີໃນເຂດອາກາດ ຮ້ອນ ແລະ ໃນເຂດພື້ນທີ່ຫ່າງໄກສອກຫລີກ. ການຕາກອົບໃຫ້ເມັດເຂົ້າ ໃຫ້ມີຄວາມຊຸ່ມປະມານ 12% ຫຼືໜ້ອຍ ກວ່າ ແລະ ເກັບໄວ້ໃນລະບົບອັດສູນຍາກາດຈະຊ່ວຍຫລຸດຜ່ອນຄວາມສ່ຽງຈາກການທຳລາຍຂອງແມງໄມ້ ແລະ ໜູໄດ້. ເມັດພັນເຂົ້າຈະບໍ່ສາມາດດູດສັບເອົາຄວາມຊຸ່ມຈາກບັນຍາກາດອ້ອມຂ້າງ ຫຼື ໄດ້ຮັບຜົນເສຍຈາກນ້ຳຝົນໄດ້.